Cycle ki Sawaari

 

Har din ki tarah aaj bhi alarm ke shor se subah hui, ab time pe uthna aur bhi zaroori ho gaya hai, jab se naya startup shuru kia hai, pehle se zyada responsible feel karne laga hu. Pehle job thi toh aur baat thi ki, thodi bahut daant sunleta tha boss ki, fir ghar aa jaata tha, ab late aane ka matlab apne paise ka nuksan karna hai. Par sach bataun toh subah jaldi uthne ka motivation sirf mera new startup nahi hai. Mera motivation Ram bhi hai.

Abhi chaar din hi hue hai apne firm khole hui, meri apni architectural firm ! Mera chaar saal se sapna tha ye, job kar kar ke tha gya thak gaya tha aur mai aise projects karna chahta tha ,jaha mera design ho, na ki mere boss ka. Khair mere liye bahut badi achievement hai ye ki mai 29 ki age me apni firm khol paya aur bahut acha project bhi mil gaya. Office shuru karne se pehle hi list bana li thi ki kon kon chahiye hoga for my new office, Ek Draftsman, Ek Landscape wala, I mean Landscape Architect and one helper Boy , thankfully Landscape me mera junior interested tha , wo hire kar lia, Draftsmen usi ka dost tha, wo bhi aa gaya. Bus reh gaya tha ek helper boy , 5 ladke interview me aaye the helper boy ki job ke liye, job consultancy ke through. Sab new the, samjh hi nahi aaya kise hire karun par shaam ko ek aur aadmi aaya, age me mujhse ek saal bada tha, guard ki job ke liye. Wo toh maine plan hi nahi kiya tha, abhi aur expenses nahi bada sakta tha, toh maine use bahar se mana karne ko keh diya. Par fir se Tarun aa gaya, Tarun mera Draftsman, bola ki Dheer sir wo aapse milna hi chahta hai, lockdown ki wajah se urgency hai use job  ki. Pata nahi fir mana nahi kar paya, bhej dene ko bola.

Sir, mai Ram, keh ke seedha andar ghus gaya. Ab mai kya bolun, usko dekh ke dil me kuch kuch hone laga, waisi hi excitement , jaisi tab hui thi , jab school me Jagdish ko dekha tha, he was so handsome. 

Bus Ram bhi waisa hi tha, bhut handsome , gym toned body , Rajputana moochein, brown eyes, sun tanning ki wajah se aur saanwala ho gaya tha. Ek aanh toh dekh ke nikal hi gayi, jab wo aya toh maine bola ki helper ki job hai karoge. Wo bola bilkul sir, maine salary batayi , wo agree kar gaya bina kuch bole, mai bhi samajh gya ki use job ki kitni zaroorat hai .

Usi din se usne kaam shuru kar dia, bar bar use hi dekhe jaa raha tha mai, wo bhi notice kar raha tha. Fir apne aap ko samjhaya ki nahi kam karna zaroori hai , fir kab busy hua kam me pata hi nahi chala. Ab kuch alag hua , ab mai notice karne laga ki wo bhi mujhe usi chah se dekh raha tha jaise mai use subah dekh raha tha. Ab you can't help but blush ! Thoda sa sharmaya, muskuraya aur niche dekhne laga mai , jab himmat hui fir dekhne ki, toh dekha wo bhi smile karke kam kar raha tha. Fir jaane ka time ho gya jab nikla, toh usne khud mera bag uthaya sab ligh off kari, gate lock kiya aur bag car me rakha, jaise mai school boy hu aur wo meri maa. Mai aur khush feel karne laga , fir wo apni cycle me baitha toh chehre par smile nahi thi , ek realisation tha uske face pe ,ki wo aur mai alag hai , ye kya sochne lage the hum, use dekh k realisation mujhe bhi ho gaya aur dono samne dekhkar apne ghar chale gaye. Ghar aake kabhi kabhi thoda akela lagta tha, mere papa mummy nahi the , sisters married thi, ghar aake bilkul akela hota hu mai. Fir wahi baaten sochne lag gya jo hua tha aaj. Kab nind aayi pata nhi chala.

Agli subah fir wahi alarm, traffic, par ek chah thi aur aane ki , Ram, Jab use dekha toh fir se wahi khushi hui , uske chehre par bhi khushi thi, baar baar aake kuch na kuch poochta rehta sir wo paper laun , tea laun , ya saaf kar dun table. I was so happy. Dil ko sapne bunne se aap rok hi nahi sakte !

Sir aap married ho ? Iss sawal se wo zameen par le aaya , maine mana kia, aur socha ki tumhe kya bataun ki kabse shaadi karna chahta hu , kisi ache aadmi se par yaha kab milega kuch pata nahi , Planetromeo aur Grindr ki galiyan ghoom ghoom kar thak chuka hu, tum kar lo na ! Socha kar mai smile karne laga.

"Aur tum? Nahi sir, mere aage piche koi nahi mai akela rehta hu" Ram ne kaha. Kuch der ke liye hum dono bus dono dekhne lage ek doosre ki aankhon me, jaise kehna chah rahe ho ki ab nhi rehna chahte akele. Mujhe yakeen nahi hua ki wo bhi akela hai , maine bola," mai bhi akela hu , mere papa mummy nahi" , usne bataya uske bhi nahi hai . Fir wo pantry chala gaya, mai kam me busy ho gya, par ab kaam kaha hona tha mujhse, mann toh kiya use ghar bula lun , par kyu bula raha hu , wo straight hua toh ?

Bahut saare doubts me poora din nikal gaya, bahar bhut tez baarish hone lagi. Bus baarish ne sab doubts dho diye, aur wahi excitement, jo khatam ho gyi thi doubts ke kaaran wo wapas aa gayi !

Sab ke jane ke bad, mai balcony me jaake bheegne laga, aur mujhe laga mai akela hun, toh maine shirt utar di, aur naachne laga aur gungunane laga! Piche dekha toh Ram, dekh raha tha , halki si smile thi uske face pe, mai jhatke se sharma gaya. Mann kia ki use kheech laun bahar, par bus bahar aane ka ishara hi kia, usne bhi apni shirt khol di, aur pehli bar uski biceps dekhi, uske haath par baal, uski chest, aur niche TT brand ki kache ki belt, bus wo dekh ke mai ruk gaya aur niche nahi gya, aur realisation hua ki mai boss hu yaha , aur aankhein mod li maine.

Wo bheegne laga aur ab jaise bina sharm ki meri taraf dekhne laga ham dono height same thi, 5'9" , he was muscular, mai athletic. meri waist bahut slim thi , jo meri safed baniyan me bheegkar clearly dikhne lagi thi, uske wajah meri butt badi lagne lagi thi. Wo har body part ko dekh raha tha mere , ab toh mai bhi samjh gaya tha ki straight ho ya bisexual ya gay, par mujhme interested toh hai, baarish rukne lagi thi, maine bola chalo ab chalte hai toh, wo niraash sa hua, mere me aage kuch karne ki himmat nhi thi , na uske samne towel me baithne ki , na aage possible sex karne ki ! Par wo karna chahta tha uski aankhon me tha , usne aate hi pant utar di, uska sab kuch uske geele kache me se dikh raha tha ! Wo chahta tha mai dekhun use , par mai na toh ready tha , na himmat thi ! toh usne bola sir mai sukha lun kapde yha pe , maine bola, sukha lo, kal office khol dena time se, mai chalta hun !

Wo bola peeche se sir aap bhi sukha lo, jiska seedha seedha matlab tha chalo nange ho jao ! Mai aur nervous ho gya, bola kuch important kaam hai aur chala gaya, meri dhadkan bhut tez ho gayi thi . Kya wo mujhe paise wala samjh ke paise ke liye ye sab kar raha hai ya wo sach me mujhe chahta hai , ya bus sex karna chahta hai , ye sab sochte sochte , mai drive karke chala gaya.

Agli Subah hui aur maine man me thaan lia , ki aaj se Ram is not important at all to me , I will ignore him completely. Usne mujhe dekhte hi bhut pyar se smile kia, bhut tasty chai banai, wo ghar se mere liye aloo paratha bana ke laya tha, par wahi kia maine jo socha tha, ignoring him, na dekha uski taraf na room me bulaya, teen chaar ghante me use samjh aane laga mai kya chahta hun , aur uske chehre par udaasi dikhne lagi. Dukh toh mujhe bhi ho rha tha par mai practically soch raha tha, na toh mujhe sex karna tha office me , na dil lagana tha, aur upar se uski intentions ye bhi ho sakti hai ki ki sirf mera paise ke liye ye sab kar raha ho, ye soch ke bhi aur kuch nhi karna tha uske saath.

Shaam tak wo bahar se mujhe dekh raha tha, itna haara hua pehle nhi dekha tha use. Mera cupboard nahi khul raha tha, ye dekh kar wo khud dauda chala aaya aur bola sir mai kar dun, Pta nahi kya hua mujhe ye sunke , maine gusse me chillaya uss par , mai khud kar lunga tum bahar jao yaha se.

Sorry bola usne aur uski aankhen laal ho gayi, wo chala gaya. Mujhe bhut guilt feel hua, kya bataun tumhe Ram, bachpan se 'weak gay guy' sun sunke mere kaan pak gaye the, aur apne aapko physically, mentally, financially strong and independent bnane par aadhi se zyada life laga di thi. Ab kaise haar maanke tumhe kholne deta cupboard. Finally khud hi khola.

Sab ke jaane ke baad use andar bulaya aur sory bola maine. Wo bola please sir aise mat bolo, maine handshake ke liye haath badhaya toh usne dono haathon se mera haath pakad liye, uske haath bhut strong the, uska touch bhut romantic tha. " Sir aap akele nahi ho , mai aapke saath hun ", ye bola usne , kitne saalo baad aisa laga mujhe ki jaise ek kandha mila ho jaha sar rakh sakun. Meri aankhein nam hone lagi , usne seedha meri aankhon me dekha aur bola,"Sir jaanta hu chota munh , badi baat boldi maine ", Sorry !

"Acha laga sunke", maine bola, "par sir mai kaha aap kaha,  mai chah kar bhi kya saath nibha paunga aapka" Mai apne aansuon ko chipane ke liye bahar khidki ki taraf dekhne laga "Delhi ka monsoon kitna unpredictable hai , kabhi bhi baarish , kabhi bhi dhoop aur.."  bolte hue jaise hi maine apna munh moda toh dekha wo bhi paas aa gaya tha mere, uski saans meri gardan me lag rahi thi. Usne na kiss kiya na gale lagaya, jaise ki wo mera haq hai , wo bus approval ke liye khada ho gaya tha samne. Maine uske gaal par haath rakha aur bahut pyar se poocha, "kya hua Ram?"

Usne meri aankhon me dekha aur poocha, "Sir meri cycle par ghoomoge baarish me ... ? "

"Maine apni kamayi se kharidi hai sir, Mere mata pita ka dehant bachpan me hi ho gya tha aur mujhe meri dadi ne paala, do saal pehle wo bhi guzar gayi, piche 25 gaj ka makan chhod gayi meri liye , sir cycle khud kamayi hai , mai shaadi nahi karunga sir, mai ek dost ke saath zindagi guzarna chahta hu, sir meri colony me ek do ladke hai jo mere yaha rat me aate hai , galat kam karne mere sath, par mai aise hi nhi marna chahta, ek sapna hai mera jaha mera dost mera ghar basaye, sir aap .. "

Wo ruk gaya, baarish tez ho gayi thi , dil ki dhadkan bhi, wo gay hi tha shayad ya shayad bisexual, par iraada ek aadmi humsafar dhoondhne ka hi tha shyad uska, mai kya..?, kya bolna chahta tha wo..? , ki mai wo dost mai banun ? Fir Himmat nhi hui poochne ki meri, "Kisi ko toh mai bhi dhoondh raha hu, jo mera  khalipan bharde, par dil tudwane ki himmat nhi bachi hai " bus itna hi bol paya mai , tabhi usne bola, " Sir jo aapse bahut gareeb ho, usse dosti karoge aap ? "

"Pata nahi" kehke taal dia maine...

Mere kadam piche ho gaye, aur uske iraade, dono chalne lage bahar, baarish bhut tez ho gayi, hum dono hi bahar nikal aaye fir bhi, dono na ek doosre ki taraf dekha na bola kuch.

Mai itna protective ho chuka tha apne aapko leke ki kahi wo mujhe paise ko leke na fasa raha ho , ya sirf sex ke liye na kar raha ho ye sab , maine har taraf se, uske mere dil tak aane ke raaste band kar diye. Class difference itna bada hoga mere liye kabhi nahi socha tha, jaane se pehle maine khidki kholi use dekha, Uski aankhen laal thi , aur bhaari awaaz me bola,

"Sir, saawan me akelapan dugna ho jaata hai"

Chaabi nahi ghoomi fir Car ki mujhse, mai bahar nikla, car band karke, peeche baith gaya cycle par, dono ki aankhen laal thi, nam thi , baarish me na rone ka pata lagta hai, na khushi ke aansuon k , kya pata kya the dono ki aankhon me. Na pata tha kaha jana hai, na pata tha kaha le jaegi ye sawari , fir bhi.....

.....Bus Ram ka nam leke baith gaya mai, apni cycle ki sawari pe  !